نصحوني كتير ما تجوزش وماسمعتش الكلام .
قالولي يا أبني أنت مش هتقدر علي قرف النسوان .. هما كام يوم وهتزهق ..قلت انتم عبط أصلكم مش فاهمين الحية الزوجية كويس .. لكن طلعت في الأخر انا اللي حمار كبير جدا ..
صحيح انا مفيش قلق بالنسبة لي أنا ومراتي دلوقتي ..بس حاسس ان كل يوم بيتغير عن التاني .
صحيح انا ما أمنتش نفسي في ليلة الدخلة بمقلب محترم زي ما واحد صحبي عمل برضة كنت ناصح قبل كدة .
سمعتم عن الراجل اللي دبح القطة لمراتة في ليلة الدخلة .. للي مش عارفين القصة .. هقولها لهم هي بتحكي عن راجل ..كان قاعد بتعشي هو ومراتة بعد ما دخلوا غرفة نومهم .. وفجأة ظهرت قطة .. طبعا يا عيني القطة هفتانة ونفسها في حتة لحمة من اللي بيكلة اللوح الزوج بس الراجل طنش وقلها ( بس ) أمشي من هنا.. كرر الموضوع ده مرة كمان وفي المرة الثالثة مسك السكينة ودبح القطة ومراتة قاعدة .. طبعا الست يا عين أمها سخسخت من الخضة ..ولما فوقها قالها انت عارفي اللي مابيسمعش كلامي بدبحة زي القطة دي .. من ساعتها والست ماشية زي الألف .
صحبي بقي يا معلمين سمع القصة دي .. وقال في باله يا واد الراجل ده مش أحسن منك ..قام محضر ليلة دخلتة ( فار) أيوة فار .
وخباه في شقته ولما كل هو ومراته وعمر الطاسة بسجارة كدة جية بقي وقت الحركات الجامدة اللي بيتمناها أي شاب ...طبعا مراتة ساقت الدلال وبتكسف والكلام ده .. رح جايب الفار اللي مخبية في درج التسريحة .. وقرب من المدام بحنيه وحاطط الفار في قفاها .. وجري .. وقفل الباب عليها .
وهي هاتك يا صويت وسريخ.. طبعا سكان العمارة سامعة وهاتك يا زغريد بيحسبوا طبعا ان صاحبنا أسد ومسوي الهوايل .
بعد كام دقيقة كده دخل لقي المدام مفرفره علي الارض .. حط الفستان علي الشماعة وفوقها وقها شوفي اللي مابيسمعش كلامي بحط في قفاه فار علي طول من ساعتها مرات صحبي كل ما تزعلة تدخل تدور في التسريحة علي فار هنا ولا هنا .
وبعد كدةاشتغل لها في الأزرق وبدأ ينكد عليها قبل ما تنكد علية ..أيمانا بالمثل الهجوم خير وسيلة للدفاع ..وأتبع التعليمات التالية اللي قالي أعملها وهي
الصبح و أنت رايح على شغلك وهى نايمة تعمد اسقاط أى شئ او خبط الباب بصوت عالى علشان تصحيها هىكمان..
أشمعنى أنت!!ولو حاولت ترجع تنام تانى قوللها مادام صحيتى حضرى الفطار بقى…

أذا كنت بتتفرج على التلفزيون وهى عايزة تغير القناة.. قوللها معلش الحلقة دى مهمة جدا واحد صحبى شافها على
القناة الفضائية و قالى أن الحلقة دى هى المسلسل كله.. ولو كنت بتتفرج على ماتش كورة هيبقى الموضوع أسهل..
كل ما حد من اللاعبين من اى فريق يمسك كورة قوللها معلش ثوانى بقى أنا حاسس أن الكورة دى جون حتى لو
كان حارس المرمى ماسك الكورة و الماتش واقف لأن فى واحد مصاب ( ملاحظه :أغلب النساء ذو ثقافة كروية ضعيفه )...


اصحى يوم الجمعة بهمه و نشاط وجهز الفطار لزوجتك بس متنساش انك تستخدم 15 طبق و اكبر كميه من المعالق والشوك و 5 حلل من اللى عندكم فى المطبخ و 10 كبيات لاعداد طبق بيض و سندوتش جبنة طبعا يراعى ترك اثار سمنة على الأرض مع ترك التلاجة مفتوحة و قشر البيض فى الحوض ……

فى عيد ميلادها زينلها تورتة عيد ميلادها بخمسين شمعة ولو سألتك ليه خمسين رغم أن عندها 15سنه بس؟؟ أتحجج بضعف الأضاءة و أنت بتبص على النجفة اللى عندكم اللى فيها 30 لمبه مع أبتسامة صفراء خفيفة…………

لو عاملة ريجيم أجرى على السوبر ماركت و محلات الحلويات وأملى الثلاجة شيكولاته و حلويات و جاتوهات.. يراعى التجول و أنت مستمتع بأكل الجاتوة أمامها..

متنساش رأيك فى طبيخها لو عاملة لحمة قولها حلو أوووى الفراخ دى ولو طابخة بامية .. جميلة أوى الملوخية دى حطة عليها أية؟؟ ولو عاملة كيكة قولها أنا بحب أشرب شاى مع البسكويت الحلو دة!!!

لو الزوجة قررت مسح الأرضيات فى البيت حاول أنك تروح و تيجى على المناطق المبلولة متحجج بانك محتاج تتصل ضرورى بواحد صاحبك و مرة عطشان و مرة تانيه بتجيب الجرنال و مفيش مانع أنك تقول أنك حاسس أن التلفون هيرن كمان شوية ……

أية رأيكم في صحابي بقي .. أنا من رأي أن ده هو أساس الجواز السليم .. وطريقة ممكن تنكد بها علي مراتك لو شميت ريحة نكد جي في الطريق .

هههههههههههههههههههههه

لا حلوه منك على قد سنك

شكرا عالنصايح اكيد حبقى أجربها

ماشى يا عم ماكس نورت