دى قصه واحد صعيدى



قصة حقيقية أرويها






دخلت صالة الجمرك في مطار القاهرة لأجد أمامي رجل صعيدي في الطابور يناقشه مأمور

الجمرك ... ودار الحوار التالى :



مأمور الجمرك : معاك حاجة تتجمرك يا حج ؟


الصعيدي : رد بجرأة و صراحة إيوه معايا فيديون (يقصد فيديو) .





مأمور الجمرك : وريهولنا كده يا بلدينا .


فتح الصعيدي حقيبته و بكل ثقه أخرج جهاز راديو كاسيت جديد ووضعه أمام المأمور





المأمور : رد ببرود بس ده مش فيديو .


ثارت ثائرة الصعيدي و أخرج حافظة نقوده العملاقة و أخذ يفرد طياتها و يفتشها حتي أخرج

فاتورة مطوية ...


و صاح

مش فيديون كيف أمال أنا دافع فيه ألف ريال ليه ؟


نظرت أنا و مأمور الجمرك الي الفاتورة ...


فعلا بألف ريال و مكتوب فيديو من نفس ماركة الكاسيت الذي لا يساوي أكثر من مائتي ريال !

الراجل نصبوا عليه





و قبل أنا أتكلم ظهر الأسي علي مأمور الجمرك و قال بهدوء ...


طيب يا بلدينا حقك عليا , أتفضل روح ...


مش عايزين جمرك ؟


أمال بيقولوا الفيديون جمركة غالي كيف ؟ متشكرين يا خال ...





و انطلق الصعيدي فرحا ,,,


أنهيت إجراءاتي بسرعة و أنا أتبادل الضحك مع مأمور الجمرك

في غير المعتاد بسبب بلدينا ,,,


و حاولت أنا ألحق به لأبصره بالحقيقة قبل أنا تحدث له فضيحة في بلدهم .


ولحقت به علي باب المطار





وبعد التودد إليه فاتحته علي إستحياء ...


بس يا حاج إنت إتنصب عليك هناك و إنت ما معاكش فيديو ...


نظر إلي نظرة إستخفاف ... تختلف تماماً عن نظرة الغباء التي أرتسمت علي وجهه أمام

المأمور ,,,


و أجابني بسخرية


معاييش فيديو ( بدون نون هذه المرة ) كيف , الفيديو في الشنطة التانية ...

ايووووووووووووون والله ده راجل سوسه سوسه يعنى